Galician

Pasaron dúas décadas dende que Francis Fukuyama publicase un libro titulado O Fin da Historia e o Ultimo Home, proclamando o triunfo definitivo da economía de mercado e a democracia burguesa. Esta idea parecía ser confirmada por case 20 anos de mercados á alza e un crecemento económico practicamente ininterrompido. Políticos, banqueiros dos bancos centrais e xerentes de Wall Street estaban convencidos de que finalmente domesticaran o ciclo económico de booms e depresións.

"Todo sigue igual en Galicia". Esta é a mensaxe que o Partido Popular está pregoando a raíz dos resultados electorais das eleccións municipais do 25 de maio. Tanto Aznar como Fraga tratan de transmitir arreo a idea de que as eleccións demostraron que o apoio ó PP segue intacto e que, polo tanto, as masivas mobilizacións ocorridas foron un exercicio inútil.

Mexan por nós... pero temos que dicir ¡basta! Desde o inicio do desastre do Prestige, o PP tomouse o tema á lixeira. Tan á lixeira, que Fraga, Álvarez Cascos e os seus séquitos (conselleiro de Medio Ambiente incluído) se foron de cacería mentres o Prestige espallaba fuel polas costas galegas, confiando, como dixo Fraga, en que “Dios y el apóstol Santiago nos ayudarán”. E así nos foi.